Mai Sambhal Lunga ❤️

Sunno tum udaas kyu ho jaati ho?

Jab bhi mai ishq ki baatain tumse karta hu toh?

Koi dar hai?

Agar hai toh kehdo mujhse mai saare dar door kar dunga?

Aur agar dar es baat ka hai ki mai nibha bhi paaunga ya nahi,
Tumhe sambhaal bhi paaunga ya nahi,

Toh mera bas ek hi javaab hai,

Mai sambhaal lunga.

Apne haathon se jab tumhe khana khilaate waqt hawa k jhoke se tumhare udte baal tumhare chehre par aane lagenge na mai unhe sambhaal lunga.

Vo jo chalte chalte kabhi tumhari sandel toot jaaye aur tum bolo mujhse jara sambhaalo mujhe toh sunno mai sambhaal lunga.

Kabhi kisi cheez se behad bechain hoke tumhe jab neend na aa rhi ho toh tumhari saari takleefo aur bechaniyo ko sunke aur unhe suljhakar unhe sambhaal lunga.

Aur vo jab tumhare mood swings aa jaane par tum chidchidaake cheekhoge mujhpar, Toh vo gussa bhi mai sambhaal lunga.

Teri bachkaani saari harkatin,
Aur teri uljhi hui si zindagi ko mai tumhare sath har pal rehke,
Sambhaal lunga.

Jitne khwaab hai tere unko sach karne ko,
Aur kuch mere jo hai unko tumhare sath milke poore krne ko,
Mai har cheez sambhaal lunga.

Vo musibatton ki baarish ho,
Ya kisi gujre pal k yaadon ki dhoop, Mai sabse tumhe bacha lunga, Tum bas meri hoke rehna,
Baaki mai sab sambhaal lunga.

Tere aankhon ka kajal bigarne se pehle,
Tujhe hassa dunga,
Ek waada hai tujhse, Jab tk mai hu.
Tera sab kuch sambhaal lunga.
❤️

#Nilesh